Јужен Повратник

Јужниот Повратник на карта на светот.

Споменик што го облежува Јужниот Повратник близу Антофагаста, Чиле.

Јужен Повратник (наречен и Јарчев Повратник) — замислена кружница на најјужната географска должина на Земјата на која Сонцето може да дојде нормално на Земјината површина. Оваа појава се јавува при декемврискиот сонцестој, кога јужната полутопка е во најголема мера наклонета кон Сонцето.

Ова е еден од петте главни напоредници што стојат на картите на светот. Моментално јужниот напоредник (епоха 2011) лежи 23° 26′ 16″ јужно од екваторот.

Положбата на повратникот не е постојана, туку се поместува на север со стапка од речиси половина секунда (0,47″ или 15 метри) годишно. Во 1917 г. повратникот се наоѓал точно на 23° 27' ЈГШ.

Повратникот се нарекува и „Јарчев Повратник“ поради фактот што пред 2000 сонцето влегло во соѕвездието Јарец за време на декемврискиот сонцестој. Денес сонцето во ова време од годината се јавува во соѕвездието Стрелец. Промената се должи на појавата наречена прецесија на рамнодениците.

Места

Почнувајќи од нултиот меридијан, па на исток, Јужниот Повратник минува низ следниве места:

Координати	Земја, територија, море	Белешки
23°26′S 0°0′E	Атлантски Океан
23°26′S 14°27′E	Намибија
23°26′S 20°0′E	Боцвана	окрузите Кгалагади, Квененг и Централниот округ
23°26′S 27°18′E	ЈАР	покраината Лимпопо
23°26′S 31°33′E	Мозамбик	покраините Газа и Инхамбане
23°26′S 35°26′E	Индиски Океан	Мозамбички Проток
23°26′S 43°45′E	Мадагаскар	покраините Толијара и Фијанаранцоа
23°26′S 47°39′E	Индиски Океан
23°26′S 113°47′E	Австралија	Западна Австралија, Северна Територија и Квинсленд
23°26′S 151°3′E	Корално Море	минува веднаш јужно од гребенот Като во територијата Коралноморски Острови ( Австралија)
23°26′S 166°46′E	Тихи Океан	минува веднаш северно од Минервините Гребени (Тонга) и веднаш јужно од Тубуаи (Француска Полинезија)
23°26′S 70°36′W	Чиле	регионот Антофагаста
23°26′S 67°07′W	Аргентина	покраините Хухуј, Салта, Хухуј (повторно) и Формоса
23°26′S 61°23′W	Парагвај	департманите Бокерон, Президенте Ајес, Консепсион, Сан Педро и Амамбај
23°26′S 55°38′W	Бразил	сојузните држави Јужно Мато Гросо, Парана и Саун Пауло
23°26′S 45°2′W	Атлантски Океан

Поврзано

• 23. јужен напоредник
• 24. јужен напоредник
• Северен Повратник
• Северен Поларник
• Јужен Поларник
• Екватор

Надворешни врски

• Пресметки на временските епохи (англиски)
• Корисни константи (англиски)