Тони Зен

Тони Петковски (21 јули 1983), во јавноста познат како Тони Зен, е македонски рапер и продуцент. Член е на групата Урбана Димензија, а се занимава со рап повеќе од 10 години.

Тони Петковски
Основни податоци
Родено име	Тони Петковски
Познат(а) и како	Тони Зен
Роден(а)	21 јули 1983 Скопје
Жанр(ови)	Рап
Занимање/ња	Пејач, композитор, изведувач на гитара, текстописец
Години на активност	2002–денес
Мрежно место	ToniZen.mk

Кариера

Под влијание на американскиот хип-хоп, кон крајот на 1990-тите години Тони (со уметничко име Kire Daskalov) почнува да се занимава со рап музиката. Активен е во неговата прва група „105“, снимајќи демо снимки достапни само на хип-хоп програмата на скопското радио Канал 103. Во 2002 година заедно со DJ Чваре ја формира групата Урбана Димензија, и со тоа започнува професионално да се занимава со рап музиката. Во меѓувреме Тони своето уметничко име од Тони Монтана го менува во Тони Зен Настапуваат на бројни настани во Македонија од кои се издвојува Street Beats Festival (хип-хоп вечер на Таксират 2005), како предгрупа на Jeru Da Damaja, Afu Ra, Guru и Едо Маајка. Тони Зен како соло артист, а и како член на Урбана Димензија работи на повеќе проекти во блиска соработка со Единствена Опција, Мартин Србиновски, Бојана и Бисера (Gemini), Тамара Тодевска, Роберт Билбилов, Јован Јованов и други.

Тони Зен бил гостин на концертот на Слаткаристика одржан на Антички театар во Охрид на 23 јули 2009, a исто така бил дел и од концертот на Слаткаристика, одржан во Метрополис Арена во Скопје каде имал свое шоу на сцената. На 31 март 2010 година, Тони Зен настапил како предгрупа на концертот на 50 Cent кој се одржа во салата "Борис Трајковски" во Скопје. Значаен датум за Тони Зен е 23 јули 2010 година, затоа што тогаш го одржал својот прв солистички концерт во Античкиот театар во Охрид пред околу 4 000 гледачи, а како гости на концертот настапиле Токсикологија и Слаткаристика.

Како најуспешен период во неговата досегашна кариера се смета периодот во 2009 и 2010 година кога Тони Зен претставувал еден од најдобрите рап артисти на територијата на Република Македонија. Покрај успехот во музиката, Тони е и сопственик на Tony's Soul Wear, продавница наменета исклучиво за хип-хоп облека. Продавницата се наоѓа во Градскиот Трговски Центар во Скопје.

Дискографија

Студиски албуми

• Стиховна Агенда (2005)
• Слушај (2007)
• Во мој Стил (2009)
• Тони Зен е Суперзен (2011)
• Микро Скопски организам (2013)
• Од изворот на изборот (2019)

Синглови

Од првите два албума Зен мастер (2004) Скопје мој град (2005) Покрај Мене (feat. Gemini) (2005) Во полн ефект (2006) За Пандев (feat. Тамара) (2006) Дали сакаш (feat. Единствена Опција)) (2006) Сега Знам (feat. Мартин Србиновски) (2007) Mi casa e su casa (feat. Слаткар) (2007)

Од последните два албума Скандал (2009) Спушти Се Доле (feat. Слаткар) (2009) Во мој стил (2009) Не ме замарај (feat. Тамара) (2010) Океј (2010) Јас сум хип-хоп (2010) Бас (2011) Надвор & Повеќе од рапер (2012)

Видео записи

Спот	Година	Режисер
Зен мастер	2004
Скопје мој град	2005
Во полн ефект	2006
Mi casa e su casa	2007	Дарко Антоновски
Дали сакаш	2008
Скандал	2009	Дарко Антоновски
Спушти Се Доле	2009
Во мој стил	2009	Дарко Антоновски
Не ме замарај	2010	Дарко Антоновски
Океј	2010	Дарко Антоновски
Биди зелен	2010	Томато продукција
Јас сум хип-хоп	2010
Бас	2010	EXIT-B Production
Суперзен	2011	EXIT-B Production
Rap `n` Roll	2011	Владимир Митревски-Ѓуле
Три	2011
Надвор & Повеќе од рапер	2012	BMA Production
Исти	2012	Мерт,Тони Зен
Под контрола	2013	Mert Asllani,Антонио Павловски
Сетила	2013	BMA brothers
Светот е твој	2013	BMA brothers
Прљаво на балкан	2016	Mert Asllani
СУМ	2019	Огнен Шапковски
Тишина	2019	Billy D,Toni Zen
Планот	2022	Огнен Шапковски
Првата нота	2022	Владислав Гавриловски
Клубот	2022	Никола Димов
El Padrino	2023	Владислав Гавриловски

Надворешни врски

• Официјално мрежно место на Тони Зен Архивирано на 2 јули 2010 г.
• Тони Зен на MySpace
• Видеа Тони Зен Архивирано на 21 февруари 2013 г.
• Информации за музичкото портфолио на „Тони Зен“ Архивирано на 19 март 2017 г. може да најдете на ВБУ Музички Регистар.