Стево Трајковски
Стево Петров Трајковски ( 1922 во Миладиновци, Скопско — 16 април 1945 во Врпоље, Хрватска) — македонски партизан, борец за слобода на Македонија и учесник во НОВ.[1]
Животопис
уредиПотекнувал од сиромашно семејство. Завршил основно училиште во родното село. По завршувањето на училиштето им помагал на родителите во обработувањето на земјата. Во текот на окупацијата станал симпатизер на Народноослободителната борба. На 29 ноември 1944 година стапил во Треттата македонска ударна бригада, со која заминал на Срем. Во Земун завршил воено-политичка обука, по што учествувал во пробивот на Сремскиот фронт. На 16 април 1945 година во големата битка против непријателот за ослободување на Врпоље, храбро загинал со својот помлад брат Благоја. Посмртните останки на двајцата браќа биле пренесени и закопани во нивното родно село.[1]