Сеад Колашинац
Сеад Колашинац (роден на 20 јуни 1993 г.) — босански професионален фудбалер кој игра на позицијата лев бек за Арсенал во Премиер лигата и за репрезентацијата на Босна и Херцеговина.
 Сеад Колашинац | |||
|---|---|---|---|
.jpg) Колашинац во дресот на Шалке 04 во 2015 година | |||
| Лични податоци | |||
| Полно име | Сеад Колашинац | ||
| Роден на | 20 јуни 1993 | ||
| Роден во | Карлсруе, Германија | ||
| Висина | 1,83 м[1] | ||
| Позиција | Лев бек | ||
| Клупски податоци | |||
| Сегашен клуб |
 Арсенал | ||
| Број | 31 | ||
| Младинска кариера | |||
| 2001–2009 |
 Карлсруе | ||
| 2009–2010 |
 Хофенхајм | ||
| 2010 |
 Штутгарт | ||
| 2011–2012 |
 Шалке 04 | ||
| Кариера* | |||
| Години | Клуб | Наст. | (Гол.) |
| 2012–2015 |
Шалке 04 II | 8 | (2) |
| 2012–2017 |
Шалке 04 | 94 | (4) |
| 2017– |
Арсенал | 15 | (1) |
| Репрезентација ‡ | |||
| 2011 |
 Германија до 18 г. | 1 | (0) |
| 2011–2012 |
Германија до 19 г. | 11 | (1) |
| 2012–2013 |
Германија до 20 г. | 2 | (1) |
| 2013– |
Босна и Херцеговина | 18 | (0) |
Клупска кариера
уредиКолашинац ја започнал својата кариера во клубот во родниот град, Карлсруе.[2] По осум години поминати во Карлсруе, тој се преселил во Хофенхајм, во чии редови бил само една сезона, а потоа бил купен од Штутгарт.[2] Колашинац бил член на Штутгарт само една сезона, и потоа се приклучил на Шалке 04.[2]
Шалке 04
уредиОткако една сезона бил дел од младинскиот тим на Шалке 04, Колашинац бил промовиран во вториот тим на клубот, Шалке 04 II, кој се натпреварувал во германиските пониски лиги, во регионалната лига запад. Откако одиграл седум натпревари и постигнал два гола за Шалке 04 II, тој бил префрлен во првиот тим. На 15 септември 2012 година, тој дебитирал во Бундеслигата во победата од 2–0 на Шалке 04 над Гројтер Фирт.[3] Во декември 2012 година, Колашинац бил дел од тимот на Шалке 04 кој ремизирал со резултат 1–1 против францускиот Монпелје во Лигата на шампионите. Тоа бил прв натпревар за Колашинац во европските натпреварувања.[4]
Во јуни 2013 година, Колашинац го продолжил договорот со Шалке 04 до јуни 2017 година.[5]
На почетокот на сезоната 2014–15, Колашинац го скинал предниот вкрстен лигамент на неговото десно колено и бил надвор од фудбалските терени околу шест месеци.[6] По закрепнувањето од повредата, Колашинац многу тешко успевал да ја пронајде својата форма и да се избори за првотимскиот статус во клубот.
Колашинац својот прв гол за Шалке 04 го постигнал на 13 декември 2015 година, во ремито од 1–1 против Аугзбург.[7]
Во мај 2017 година, Колашинац донел одлука да не го продолжува договорот со Шалке 04, напуштајќи го клубот по поминати шест години.[8] На крајот на сезоната 2016–17, тој бил изгласан во тимот на сезоната во Бундеслигата.[9]
Арсенал
уредиНа 6 јуни 2017 година, англискиот премиерлигаш Арсенал го потврдил ангажирањето на Колашинац, кој во лондонскиот клуб пристигнал како слободен играч.[10] Тој бил најавен како прво летно засилување за Арсенал за новата сезона.[11] Колашинац постигнал гол на својот прв натпревар за Арсенал, и тоа против Челзи во Комјунити Шилд натпреварот, кој Арсенал го добил по изведување пенали.[12][13] Тој дебитирал во Премиер лигата во првото коло од новата сезона, и бил асистент на гол во победата од 4–3 над Лестер Сити.[14]
Титули
уредиКлупски
уреди
Арсенал
ФА Комјунити Шилд: 2017
Поединечни
уреди- Бундеслига Тим на сезоната: 2016–17[9]
Наводи
уреди- ↑ „Sead Kolasinac Schalke profile“. Архивирано од изворникот на 2017-04-19. Посетено на 2017-08-21.
- ↑ 2,0 2,1 2,2 Aleksandar Holiga (9 June 2014). „Meet the Bosnian defender hoping to stop Messi and Aguero“. fourfourtwo.com. FourFourTwo. Посетено на 4 September 2014.
- ↑ „Greuther Fürth 0 - 2 Schalke 04 Team line-ups 15/09/2012 - Bundesliga“. Goal. 15 September 2012. Посетено на 5 July 2017.
- ↑ „UEFA Champions League 2012/13 - History - Montpellier-Schalke Lineups“. UEFA.com. 4 December 2012. Посетено на 5 July 2017.
- ↑ „FC Schalke 04 extend Sead Kolasinac's contract through 2017“. SB Nation. 25 June 2013. Посетено на 5 August 2014.
- ↑ „Sead Kolasinac Sidelined For Six Months“. BHDragons. 24 August 2014. Посетено на 27 August 2014.
- ↑ „Prvijenac Kolašinca u Bundesligi!“ (босански).
- ↑ „Kolasinac verlässt Schalke ablösefrei“ (германски). Архивирано од изворникот на 2018-07-21. Посетено на 2017-08-21.
- ↑ 9,0 9,1 „Team of the Season 16/17 Results“. Bundesliga. Архивирано од изворникот на 2017-05-29. Посетено на 30 May 2017.
- ↑ Group, Arsenal Media. „Sead Kolasinac to sign for Arsenal“. www.arsenal.com (англиски). Посетено на 6 June 2017.
- ↑ „Get it here“. Twitter.com.
- ↑ „Arsenal lift Community Shield“.
- ↑ „Arsenal 1-1 Chelsea“.
- ↑ „Arsenal 4-3 Leicester City“. Посетено на 13 August 2017.
Надворешни врски
уреди
Сеад Колашинац на Ризницата- Сеад Колашинац – Профил на службената страница на ФИФА
- Сеад Колашинац на Soccerbase
