Жељко Обрадовиќ

Желимир Обрадовиќ ( Чачак, 9 март 1960 ) е српски кошаркарски тренер и поранешен кошаркар. Моментално е тренер на Партизан. Тој е најуспешниот европски кошаркарски тренер во историјата.

Обрадовиќ во својата тренерска кариера освоил вкупно 64 трофеи и награди. Меѓу нив се издвојуваат деветте титули во Евролигата што ги освоил со пет различни клубови, а осумнаесет пати бил член на фајналфорот на Евролигата. Покрај успехот што го постигнал на клупско ниво, Обрадовиќ се истакнал и на репрезентативен план — со репрезентацијата на СР Југославија бил шампион на Европското првенство во 1997 година и Светското првенство во 1998 година.

Завршил средно техничко училиште. За репрезентацијата заиграл релативно доцна, на 28 години на Олимписките игри во Сеул во 1988, каде освоил сребрен медал. Играчката кариера му била привремено прекината кога бил осуден на две години затвор за убиство на пешак во сообраќајна несреќа, по што отслужил воен рок во ЈНА. Поради ова, тој ја пропушти сезоната 1988/1989 година. Со репрезентацијата го освол златниот медал на Светското првенство во кошарка во 1990 година во Аргентина. За неговата тренерска кариера им е благодарен на Драган Киќановиќ, професорот Александар Николиќ и Душан Ивковиќ.

Тој е еден од најуспешните тренери во Европа. Единствен е во светот кој има освоено златен медал на светските првенства како тренер и играч. Со Партизан во 1992 го освоил Купот на Шампиони во Европа. Истиот успех го има повторено со шпанскиот Ховентуд во 1994 и во наредната 1995 со Реал Мадрид, со Панатенаикос има освоено пет титули во истото натпреварување (2000, 2002, 2007, 2009 и 2011) и една титула со Фенербахче во (2017). Со Реал Мадрид во 1997 го освоил Купот Рајмондо Сапорта. Истата година со Бенетон во Италија го освојува Супер Купот на Италија, со Панатенаикос 11 пати бил шампион во Грчкото првенство и пет пати го има освоено Грчкиот куп. Во летот 2013 се преселил на клупата на Фенербахче каде поминува седум сезони како прв тренер и освоено четири титули во Турското првенство, три трофеи во Куп натперварите и еден Супер Куп во 2020.

Жељко Обрадовиќ

Наводи

Надворешни врски