Гијом Жил

Гијом Ален Жил (француски: Guillaume Alain Gille), (Валанс (Дром), 12 јули 1976) — поранешен ракометар и француски репрезентативец, а сегашен селектор на француската репрезентација. Играл на позицијата среден бек.

Гијом Жил

Жил како играч на РК Хамбург во 2007
Лични податоци
Име и презиме	Guillaume Alain Gille
Роден(а)	12 јули 1976(1976-07-12) Валанс (Дром), Франција
Спорт	Ракомет
Освоени медали Ракомет мажи Натпреварувач за Франција Олимписки игри Пекинг 2008 тим Лондон 2012 тим Светски првенства Франција 2001 Хрватска 2009 Јапонија 1997 Португалија 2003 Тунис 2005 Европски првенства Швајцарија 2006 Австрија 2010 Норвешка 2008 Медитерански игри Тунис 2001 тим

Клупска кариера

Својата клупска кариера ја започнал во родниот град Валанс (Дром) во клубот Лориол, каде останал до 1996 година. Таа година, заедно со неговиот брат Бертран, се преселил во Шамбери. Со Шамбери во 2001 година станал првак на Франција, а во 2002 година го освоил купот. Во Шамбери браќата остануваат до 2002 година кога се преселиле во Хамбург. Со Хамбург во 2011 година ја освоил Бундеслигата, а во 2006 и во 2010 година, германскиот куп. Во 2012 година се вратил во Шамбери каде во 2014 година ја завршил својата професионална кариера.

Репрезентативна кариера

Жил за француската репрезентација дебитирал во 1996 година против Србија. Со Франција, тој неколку пати ги освоил сите најважни титули - златниот медал на Олимписките игри во 2008 во Пекинг и во 2012 г.одина во Лондон, Светското првенство во 2001 година во Франција, 2009 година во Хрватска, Европското првенство 2006 во Швајцарија и во 2010 година во Австрија. Тој исто така освоил бронза на Светското првенство во 1997 година во Јапонија, во 2003 година во Португалија и во 2005 година во Тунис и на Европското првренство 2008 во Норвешка. Од репрезентацијата се простил во 2012 година по Олимписките игри.

Приватен живот

Роден е во Валанс како најстар од тројцата браќа. И двајцата браќа Бертран и Бенжамен биле ракометари. Целата своја кариера ја поминал играјќи во истите клубови со Бертран.

Клупски трофеи

Шамбери

• Француско првенство (1): 2001 година
• Лига куп Франција (1): 2002 година
• Суперкуп на Франција (1): 2013 година

Хамбург

• Бундеслига (1): 2011 година.
• Германски куп (2): 2006, 2010.
• Суперкуп на Германија (4): 2004, 2006, 2009, 2010.

Надворешни врски

• Гијом Жил на Olympedia