Вики Кристина Барселона

Вики Кристина Барселона (англиски: Vicky Cristina Barcelona) е американски / шпански драма– филм на Вуди Ален од 2008 год. Неговата нова муза е младата глумица Скарлет Јохансон. Во филмот исто така се појавуваат и Хавиер Бардем, Пенелопе Круз и Ребека Хал. Филмот е сниман на автентични места во Шпанија, поточно во Барселона, а премиерно филмот беше прикажан на филмскиот фестивал во Кан. Филмот ја доби наградата за најдобар филм во категорија мјузикл или комедија на „Златен глобус“.

„Вики Кристина Барселона (Vicky Cristina Barcelona)“
Официјален постер
Режисер	Вуди Ален
Продуцент	Лети Аронсон Гарет Вили
Сценарист	Вуди Ален
Главни улоги	Скарлет Јохансон Хавиер Бардем Пенелопе Круз Ребека Хал
Жанр	драма
Дистрибутер	The Weinstein Company
Премиера	15 август 2008
Времетраење	96 мин.
Земја	САД Шпанија
Јазик	англиски, шпански
Буџет	15 мил. долари
Бруто заработка	96.4 мил. долари

Синопсис

Американките Вики и Кристина го поминуваат летото во Барселона одседнувајќи кај роднината на Вики, Џуди. Вики е практична и традиционална, верна на својот прагматичен и ретко романтичен дечко, Дог. Кристина пак е спонтана и несигурна во своите животни цели, а бидејќи од неодамна не е во врска, слободна е за нови искуства. На една изложба девојките го запознаваат уменикот Хуан Антонио. Тројцата заедно ќе се најдат во вител на страсти, вина и уметност. Но, Хуан Антонио сè уште е под влијание на својата несреќна љубов со својата нестабила и психички пореметена бивша жена Марија Елена.

Глумечка екипа

Глумци	Ликови
Скарлет Јохансон	Кристина
Хавиер Бардем	Хуан Антонио
Пенелопе Круз	Марија Елена
Ребека Хал	Вики
Крис Месина	Даг
Патрисија Кларксон	Џуди

Критики

Кога станува збор за критиките, изгледа дека Вуди Ален овој пат го пронашол рецептот за успех на киноблагајните. Мрежното место Ротен Томатоес, овој филм го оцени со одлични 80%, а можеби поважно е она што филмот и се допадна и на обичната публика во еднаква мера. Општото мислење гласи дека ова е привлечна и мистериозна трагикомедија која лесно ќе ги шармира своите гледачи со прекрасните амбиенти и одличните глумечки остварувања. Ако овој филм не ви е доволно, вака кажаа медиумите – ‘Шпанскиот акцент дава извонредна доза на свежина на вообичаениот невротичен стил на Вуди.’ (Salt Lake Tribune). ‘Ален одамна не снимил толку смешен и секси филм.’ (New York Post). ‘Возбудлив и хипнотизирајќи, баш како летна романса во егзотичен град.’ (USA Today).

Надворешни врски

• Официјално мрежно место Архивирано на 26 февруари 2009 г.
• Семрежна филмска база на податоци
• Бокс Офис Мојо